《臨時劫案》《盜月者》同日謝票 郭富城硬撼MIRROR同影迷講多謝
撰文：許育民
出版：更新：
今年三部賀歲電影，票房上成績可謂塵埃落定，雖然如此，但由於《臨時劫案》在口碑帶動下，後勁凌厲，已連續數天成為單日票房冠軍，於是連主角天王郭富城都加把勁。今個星期六（2/3）宣布現身，首次為電影謝票，無獨有偶，《盜月者》都大搞謝票，仲係殺出個兩位鏡仔盧瀚霆（Anson Lo）加呂爵安（Edan）聯同張繼聰同白只，嚟個硬撼。
《臨時劫案》起初上映時場次受壓，票房表現麻麻，但在口碑瘋傳下，獲影迷支持。（《臨時劫案》劇照）
古天樂看完《臨時劫案》後，都表示要為這部精彩的電影慶功，自行與朋友食飯慶功！（《臨時劫案》facebook影片截圖）
根據香港票房有限公司的數字，三甲分別是《飯戲攻心2》（約$3500萬）、《盜月者》（約$2,400萬）及《臨時劫案》（約定$1,500萬），不過《臨時劫案》氣勢如虹，在場次加碼下，票房表現回勇。而主角郭富城亦決定本周六（2/3）親自出嚟謝票，謝足6場，要親自向影迷「講多謝！」
大家想親身聽到郭富城「講多謝」，記得撲飛。（網上圖片）
至於《盜月者》都唔弱，同日就搞足28場謝票，有不同組合配搭，不過最引人注目一定係集齊導演袁劍偉，演員盧瀚霆、呂爵安、白只、張繼聰及蘇振雄（郵局條針童童），兩代偶像嚟個隔空互撼，門票亦於今日（29/2）下午3點開售，相信都會火速售罄。