盜月者｜全城追擊Edan八月十五 「童童」蘇振維現身謝票大受歡迎
撰文：鄺鈺瑩
出版：更新：
《盜月者》一眾主角盧瀚霆、呂爵安、張繼聰、白只及導演袁劍偉今晚（2日）現身尖沙咀謝票，而「郵局條針」童童蘇振維亦首次現身謝票場。觀眾亦對他十分好奇，除咗問身為舞台劇演員嘅佢會想拍劇同拍戲之外；之後又有觀眾問Anson Lo、Edan、張繼聰同白只有無信心演繹到「童童」一角，白只話自己作為一位演員，唔應該有顧慮，但見到童童一角都要認真諗諗：「因為我而家見到佢，我都認唔到佢，同演出時嘅童童係好大分別。」蘇振維表示由於拍戲經驗唔多，所以過程一直緊張，但幸好有造型幫到佢入戲。而童童同馬文舜嘅彩蛋戲份，亦將在下星期喺戲院加播。
「童童」蘇振維同「馬文舜」Edan合體謝票。（鄺鈺瑩攝）
「童童」蘇振維、Anson Lo。
Anson Lo同張繼聰狂嗌3千萬。（鄺鈺瑩攝）
《盜月者》票房破2500萬，一眾主角謝票時都大嗌3000萬，而全場觀眾就大叫「繼續追擊八月十五」，當初開出呢個票房福利嘅Edan聽到之後即時起身扮走人，十分好笑。
《盜月者》一眾演員盧瀚霆、呂爵安、張繼聰、白只及導演袁劍偉繼續謝票。（鄺鈺瑩攝）