Super Junior、EXO出年來港開演唱會 2月10日提早同ELF過情人節
有好消息帶畀香港ELF（Super Junior粉絲名稱）同EXO-L（EXO粉絲名稱）啊！睇唔到Super Junior 12月15至17日首爾場《Super Show 7》同EXO 11月24至26日首爾場《EXO PLANET #4 The EℓyXiOn》嘅ELF同EXO-L絕對唔洗氣餒！因為已經確認咗Super Junior利特、希澈、藝聲、神童、銀赫、東海、始源會喺出年2月10帶《Super Show 7》嚟到香港亞洲機場博覽館 Arena 見ELF見面，搶先同ELF 預祝情人節，oppa真係幾時都對ELF咁好咁Sweet㗎！Super Junior近日仲公開咗利特、希澈、神童同東海嘅個人演唱會宣傳Poster添！
另外，想再次睇到世勛大Show六舊腹肌嘅EXO-L就要等到出年6月喇！Xiumin、D.O、燦烈、Suho、世勛、Kai、Chen、伯賢計劃6月襲港帶4巡演唱會《EXO PLANET #4 The EℓyXiOn》同香港EXO-L見面。尋日EXO-CBX就係《2017 Mnet Asia Music Awards in Japan》（MAMA）上做代表，分別獲得「Best Asian in Japan」同「MWAVE Global Fan’s Choice」。而世勛、Kai、燦烈、Suho今朝就已經喺仁川機場出發嚟緊香港參加聽晚《2017 Mnet Asia Music Awards in Hong Kong》喇！
【日本MAMA】Xiumin紅地毯高呼:掛住EXO隊友 朴寶劍要唱歌彈琴?
更多圖片
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/