ROAD TO ULTRA音樂節6月再來港 未聽過EDM又想去party要點入手?

撰文:
最後更新日期:

《香港ROAD TO ULTRA 2018》電子音樂節今日於尖沙咀舉行記者會,邀請到商台DJ Donald、C AllStar成員King及廿四味的阿肥出席。ROAD TO ULTRA音樂節第三年於香港舉辦,過去兩年都是戶外騷,今年6月9 日則移師至亞洲國際博覽館舉行。鑑於去年曾發生吸毒事件,亞博發言人表示屆時將採取各項措施,例如:實名保安進場系統、派出輯毒犬及爆炸品搜索犬,並揚言對毒品零容忍。

King、阿肥、Donald今日出席《香港ROAD TO ULTRA 2018》記者會。(黃國立攝)

相信大家對阿肥不會陌生,LMF及廿四味的音樂可謂深入民心,今年阿肥更會以DJ身份於ROAD TO ULTRA演出。而King亦從C AllStar成員變身「DJ King」,不過就未有透露會否在音樂節上表演。

阿肥表示將會以DJ身份於音樂節演出。(黃國立攝)

活動後三人接受訪問,他們均對瑞典電音天王Avicii的離世感到惋惜,阿King話:「當晚一收到消息,我同啲朋友都話『點解會咁㗎!』,心情真係好down同埋悼念佢,所以我有時打碟都會播番佢嘅歌,因為佢係大家嘅共同回憶。」

EDM(電子舞曲)近年越來越普及,但相對於流行曲部份人仍然覺得是「小眾」,到底想初嚐EDM應從何入手?Donald表示:「如果本身冇咩概念,可以搵啲外國主流歌手嘅歌聽下先,例如:Sia、Dua Lipa。」他續說:「如果你有睇《幪面超人Build》,首主題曲《Be The One》係一首好易入口嘅EDM歌。」

Donald表示《幪面超人Build》的主題曲《Be The One》是一首易入口的EDM歌。(黃國立攝)

阿肥亦推介了幾個心水EDM音樂單位:「近排我聽一個女仔叫So Below,佢玩啲嘢mellow啲,但係好有型。其實我都係有啲老套,仲係鍾意聽Fatboy Slim,因為佢真係好招積!」

阿肥推介So Below及Fatboy Slim。(黃國立攝)

由C AllStar變身DJ King,他表示以往曾創作電音風格的《靈魂進化》及《人人》,幸而樂迷反應亦不錯。關於日後創作,他表示亦有想法「入屋啲」:「我有諗過唔好做得太hardcore,試下做得melodic啲,同埋歌詞貼近香港大小事,嘗試做番靠近pop song嘅模式。」

阿King表示,會嘗試製作靠近Pop Song模式的電音作品。(黃國立攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。