女朋友返焗Bakehouse麵包 焗爐燒出熊熊烈火:真係想bake咗間house
撰文：奶蓋弟弟
出版：更新：
Bakehouse麵包出名好食，不少市民行過都會買一袋回家。不過想返熱麵包要小心，因為最近有網民話女朋友將Bakehouse麵包放入焗爐返熱，結果焗爐燒出熊熊烈火，實在令網民感嘆一句：「真係想bake（焗）咗間house（屋）！」
女朋友返焗Bakehouse麵包 焗爐燒出熊熊烈火:真係想bake咗間house
（圖片來源：Bakehouse）
有網民於Facebook群組「扮工室Online」分享朋友親身經歷，指朋友於著名麵包店Bakehouse內買了麵包回家，並叫女朋友幫忙返熱，殊不知放入焗爐不久，焗爐內邊燒出熊熊烈火，火勢相當猛。相片流出之後引起網民廣泛討論！
（圖片來源：Facebook群組「扮工室Online」）
網民見到相片都嚇呆，紛紛留言表示：「真係想bake咗間house」、「火熱動感包包包」、「娶著佢真係悲house」、「能做出如此效果，真令人喜出望外......」，更笑言「有啲鑊氣味」、「點整？想學」、「清明節又到」，莫非真是關清明節事？
+2
有網民比較擔心事主安危，亦留言提醒：「仲有時間影相」、「掛住影相，唔救火！」、「你都好叻！燒到咁，還影相放上Facebook，下面有微波爐，好易燒埋下面」，認為面對嚴重火勢，應該安全第一，滅火再講！
有網民話今次真係鑊氣十足！（示意圖）（圖片來源：Unsplash@tybradford）
有網民則討論事發因由，猜測事主女朋友應該是誤將麵包包裝紙放入焗爐，受熱後被點燃導致起火；亦有網民猜測焗爐內比較污糟，污垢在加熱下亦有機會導致起火，建議使用焗爐前記得好好清潔，以免發生意外。
網民建議做好清潔確保安全才使用焗爐！（示意圖）（圖片來源：Unsplash@runejohs）
有麵包店員工回應記者查詢，憑相片初步猜測認為該加熱機器並非焗爐，而是多士爐，有機會麵包觸碰到發熱線而導致起火，並建議將麵包放入加熱機器時「無咁大個頭唔好戴咁大頂帽」：「就住個麵包size同個爐，唔好夾硬焗大包」，或者用錫紙包住加熱食物，以免食物直接接觸發熱線，亦是個可取的方法。