公司開電磁爐煮Lunch被放上網鬧黐線 網民話好正常:慳錢就係要咁

撰文:奶蓋弟弟
出版:更新:

大家平時返工會如何食午餐?有不少市民糧尾要慳錢,都會選擇在公司煮食醫肚仔。有網民似乎不太能接受同事帶電磁爐自己煮烏冬,繼而上網問究竟是新同事太黐線定係自己見識少。大家又認為在公司煮食恰當嗎?

公司開電磁爐煮Lunch被放上網鬧黐線 網民話好正常:慳錢就係要咁

有市民向奴工處投稿:「係新同事太黐線定我見識少?新同事帶咗個電磁爐擺喺自己個位Lunch自己烏冬食,話咁樣慳錢啲」,引起網民熱議。究竟身為員工,帶電磁爐回公司煮食是否合理呢?相關貼文引起網民熱議,紛紛留言分享己見。

(示意圖)(圖片來源:Wikipedia@sekido)

有網民指:「你想嘅,帶埋打邊爐個爐返嚟公司pantry明火煮食都得㗎」「無野喎,我見過。煲湯,炸魚薯條都有啦」「試過用公司微波爐叮菜、肉餅、麻婆豆腐、魚香茄子同公仔麵」「我之前公司啲同事個個都帶一人電子煲返去煮公仔麵同烚菜」「其實而家好多人都係咁,真係慳好多」似乎大家都見怪不怪,甚至親身嘗試,最緊要還是錫住個荷包——節省不少支出。

亦有網民分享經歷,指「曾經有個同事日日都用佢個爐煮菜烚蛋蒸蟹添啦,公司成個pantry都係佢啲煮食用具,雪櫃放佢啲調味料同菜放到其他同事無位放飯盒⋯⋯」認為公司煮食行為雖然可接受,但若行為影響他人便不太理想,盡可能還是將心比己,確保自己煮食行為沒有為他人帶來影響。

(圖片來源:奴工處)

有網民提醒最緊要符合法例規定及公司合約規定。如僱傭合約寫明公司內不可進食味道濃郁的食物,如榴槤、鹹魚等,就要避免烹調味道濃郁的食材,以免「被周」;另外亦不要一時興奮明火煮食,萬一觸發煙霧器或灑水系統就有排煩,公司隨時會出面追究煮食行為!

(圖片來源:Wikipedia@Tumi-1983)

其實現時市面上推出了不少簡易煮食工具,例如微波爐煮食工具、蒸飯盒、小型煮食鍋、小型電磁爐等,均適合在公司環境使用,容易使用之餘亦方便收納,有興趣不妨入手試一試!