網民稱12蚊店1個原因變相加價：「網購買DAISO/Watts仲抵啦！」
撰文：陳俊堯
出版：更新：
有網民最近講起12蚊店，因為一個原因其實變相加價，更指其實前往日本DAISO、Watts等12蚊店官方網站網購空運到港，分分鐘平過在香港捱貴價！
網民稱12蚊店1個原因變相加價：「網購買DAISO/Watts仲抵啦！」
（示意圖）（圖片來源：Daiso香港）
點解網民於Facebook群組「12蚊店關注組」內，突然話12蚊店如今猶如變相加價？原來一切皆因有網民重提在港開業的這些日本精品店，想當年跟足匯率，隨著大漲由「10蚊店」漲價變成「12蚊店」。而最近日圓匯率暴瀉，一度低見0.0610，香港12蚊店卻未見動靜，網民稱：「佢唔減價嘅？」質疑繼續賣$12是「變相加價」。
（示意圖）（圖片來源：Daiso香港）
網民見到貼文後齊齊懷緬過去，指：「最初吉之島（AEON舊稱）時期嘅living plaza係$10件，食品係$8件(而且好多時仲會減價到$6件)」但亦有網民解畫：「但係物流貴晒， 所以冇得減囉」「其實而家淨係舖租都比當年加咗好多…….咁多年都維持係$12算係咁」「鋪租倉租人工物流年年加，$12呢個價都keep咗好多年，算係咁啦」。
網民話齋，香港12蚊店維持$12價格已經「算係咁」，不過想平都有方法，建議香港人不如上DAISO、Watts等$12蚊店官方網店直接購買，連稅110日圓（約7港元）便可買到商品，符合條件日本國內免運費，「買得多嘅話連埋運費分分鐘平過香港買」，唯一缺點就是要自己安排集運，各位12蚊店粉絲會考慮這樣入手心頭好嗎？