餐廳服務員大鬧食客態度差 網民反斥:係你自己撩交嗌咋喎

一名從事餐飲服務業的網民狂鬧「西客」要求橫蠻無理兼且態度惡劣，講講下就要求向經理投訴，上網長文控訴，卻反被網民斥：「係你自己撩交嗌咋喎」，更引用到華仔（劉德華）廣告金句：「今時今日咁嘅服務態度點夠㗎！」

餐廳服務員大鬧食客態度差 網民反斥:今時今日咁嘅服務態度唔夠㗎

這場網絡風波源自於Facebook群組「西店Hi客之道 Hispitality Secret」，有餐廳服務員（下稱事主）投稿分享經歷，指日前有一位客人進入餐廳時，私自坐在4至6人桌。事主立即向客人表示：「唔好意思先生，呢張4至6人枱，要你坐第二度」，隨後卻引起一場風波。

🥳🥳🥳好食玩飛Instagram官方帳號開咗啦！請Follow我哋：https://bit.ly/38tlS4l

食客得悉要求後回覆：「你有人咪比返你囉張枱。」而事主則回應道：「我只係唔想你食食下轉枱姐（啫），一係咁我比你坐，但限時40分鐘用餐時間」，不過反應疑似辣著食客，隨後展開激烈爭執，最後更要求取得公司電郵，對事主作出正式投訴。

事主表示自己有心人留難食客，因此專登取杯熱滾水出來，讓食客難以飲用。在留意到食客想拍片作證時，則九秒九走開避鏡頭。但事主似乎事後難忍屈辱，長文紀錄食客「惡行」後，再不吐不快：

我公司係無寫明要40分鐘交枱，但唔代表無呢樣嘢，仲有你一個人得一個屎忽，點解要坐兩邊梳化嘅枱？

網民細閱事主經歷後，反倒是覺得事主自己撩交嗌：「又冇客，又冇寫明四十分鐘交枱，有客要轉枱嗰個係佢，可能人地本身快食個飯就走。」、「因為您唔想到時叫佢轉枱而限佢食40分鐘飯，又講唔過去嘅」，質疑事主要刻意留難食客的用意，斥其：「今時今日咁嘅服務態度點夠㗎！」

亦有網民認為食客反應的確過火，不過相信事主在應對上，有明顯改進空間：「如果真係怕之後人多想留返張大枱，你可以同佢講話因為午市都比較繁忙，唔想你調來調去騷擾你食飯，不如坐張二人枱，而唔係話唔想你食食吓轉枱『姐（啫）』，仲要自己話限時40分鐘用餐。」