淘寶買電器成癮 港人將插座換成內地制式！網民：保險唔包仲犯法
撰文：奶蓋弟弟
出版：更新：
平時淘寶買電器的確方便，但中國內地電器制式慣用兩腳插，有異於香港通用的三腳插，在日常使用時的確帶來不少不便。有港人日前就相當「醒目」，於Facebook群組內，分享自己直接將插座換成內地制式的做法，卻被網民大鬧犯法，再提醒萬一出現意外時，分分鐘不能索償保險。
淘寶買電器成癮 港人將插座換成內地制式！網民：保險唔包仲犯法
好食玩飛Instagram官方帳號開咗啦！請Follow我哋：https://bit.ly/38tlS4l
有網民於Facebook群組「淘寶開心share」中分享經歷，指平時透過淘寶於內地網購電器，但中國內地電器制式慣用兩腳插，有異於香港通用的三腳插，不方便香港人家庭日常使用。
他透過貼文建議網友，「每次都要考慮用轉插還是換蘇頭，那倒不如換個插座更一勞永逸」，附上疑似自己家中已經修改的插座，引來不少網民討論。
（圖片來源：淘寶開心share）
雖然方法貌似方便好用，不過網民們不買帳，第一時間指出核心問題，話「犯法！而且大陸（中國內地）和香港A數不同，插得落隨時燒屋」、「呢隻頭過唔到機電署」，隨後再有網民細心解釋「大陸插頭最高16A，香港走線底座以13A標準，盲插就燒屋。」講解問題嚴重性。
（圖片來源：淘寶開心Share）
有網民更提醒，「加劇發生漏電火燭，公證行上門影相，夢如果見到用戶用緊此制式的蘇版，（就算不是它而引起）保險公司會拒絕承擔賠償責任」。
（圖片來源：淘寶開心Share）
亦有網民嘲笑稱：「犯法都要post上網沾沾自喜」、「個保險都係淘嘅」，亦有人回應樓主貼文最尾一句的「一勞永逸」，笑指「電死咗就真係一勞永逸」。不過無論如何，要留意家居電器及插座安裝，最好尋找合法及受認可的電工技師進行安裝，以免發生意外。在改裝時，亦建議尋求專業意見，以免誤墮法網。