港男淘寶$97買adidas波鞋呻收鴛鴦碼 網民笑爆嘴：你買的是教訓
撰文：冷麵婆婆
出版：更新：
淘寶平價貨品包羅萬有，但難免都會都試過「中伏」。最近就有港男大呻經adidas官方淘寶，以$97購入一對波鞋，收貨時卻為「鴛鴦鞋」，故深感不滿。然而「圍爐」不成，反引來大批網民恥笑，稱「人地係黎香港掃貨，反而你係上面買返黎」，又認為該貨品實屬假貨！
港男淘寶$97買adidas波鞋呻收鴛鴦鞋 網民笑爆嘴：你買的是教訓
最近有港男於Facebook群組發帖，大呻自己在「addidas（及後更正為adidas）」官方淘寶買鞋，但「夠膽死係鴛鴦」。從相片中可見，該對波鞋掛上印有「adidas」的標籤條碼牌，但兩鞋的碼數不一，左腳鞋碼數為「UK 9」，右腳鞋碼數則為「UK 10」。事主指「對鞋我計過扣紅包連香港運費$97.44」，因此深感不滿。
（圖片來源：FB@淘寶開心share群組）
👉👉👉好食玩飛Instagram官方帳號開咗喇！請Follow我哋：https://bit.ly/38tlS4l
事件引來大批網民熱議，不少人不解事主為何在淘寶購買大牌子產品，認為「唔明點解唔係香港買牌子野」、「人地係黎香港掃貨，反而你係上面買返黎」；亦有網民笑言「就返你大細腳」、「無比（畀）兩隻左腳你咪好囉」，都有人指「你買的不是波鞋，你買的是教訓」。
+2
不少網民表示，adidas香港官方早前亦推出包括折上折、額外半價等優惠，而且「有得試碼」，認為在香港更加抵買。不過，事主則指「因為我見香港冇咁平，呢只係百幾蚊」。但由於價格甚低，有網民質疑該款波鞋未必是正貨，然而莫論貨品真假，買鞋大細碼不一，不排除是倉務員「大懵」導致鴛鴦鞋！大家又覺得如何呢？