人夫淘寶$1.5花灑頭平絕全城　仲叫老婆估幾錢！網民大讚知慳識儉

大家買過最平的花灑頭幾錢？最近就有位人夫在淘寶買花灑頭，而且用了$1.5港元就買到，相信平絕全城，連網民都大讚人夫「知慳識儉」。不過有網民直言，該款花灑水壓高好易「爆開」，但價錢便宜難怪亦有人一買就入手數個！

最近一名女網民於社交平台Facebook群組「淘寶開心share」發帖，指家中花灑頭早前「爆咗」，因此其丈夫在淘寶買了一個新花灑，更與原先使用的花灑頭一模一樣，又著她猜猜價錢，女事主直言「我估咗10次都唔中」，原來價格平到僅是個位數，難怪估唔中。

根據貼文的淘寶相片截圖，該款「常規300孔增壓花灑頭」原價售價為6.36元人民幣（約$6.9港元），而丈夫實付$1.48港元就可以買到，相信暫時平絕全城！

翻查淘寶商店官網，單購該款花灑頭僅售5.3元人民幣（約$5.7港元），升級花灑頭或加孔座、防爆軟管等配件，最貴亦只去到15.3元人民幣（約$16.5港元）不等。目前全部均顯示缺貨。

有關貼文一出即引起網民關注，有不少網民均留言，表示曾經用過該款花灑，指「呢隻一跌就爆，水壓大又爆」、「用開太大水花灑個頭爆開」，認為要水壓低才適合使用；亦有人指要雖然要經常更換，但「真心又平又好用，已買了4至5個」。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

淘寶買花灑頭並非稀奇事，不過都有網民提醒「千萬唔好淘寶買花灑嗰條喉」，指「唔係分分鐘爆水，質素好曳唔襟用」、「條喉好易生鏽」，建議在香港購買較為穩妥。然而$1.5買到花灑頭「平到笑」，有網民笑言事主丈夫絕對是個「知慳識儉嘅老公」，非常抵讚呢！