鯊鯊港男買行李喼送錯顏色　良心店家免費補送：另一個自行處理

網購店家發錯貨的情況不時發生，最近就有港男分享，自己於淘寶打算購入一個黑色行李喼，豈料店家發錯貨，收貨時黑色變成粉紅色。不過令人驚喜的是，店家除了免費補送外，更著其自行處理發錯貨的行李喼，最終以一個價錢買到2個行李喼，獲網民大讚店家為良心賣家！

鯊鯊港男買行李喼送錯顏色　良心店家免費補送：另一個自行處理

有港男早前於Facebook群組發文分享，稱「買36吋黑色送錯咗粉紅色，最後賣家唔洗退貨，直接補返個黑色，依家變咗有兩個喼」，並附上多張行李喼的相片。事主表示，開首發現貨物不符時，店家指需要補加100元人民幣，及後「我同佢講話照俾咗個黑色我先，我新年返大陸拎埋個粉紅色上去寄返俾佢，之後佢話算喇，直接叫我自行處理」。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

最近事主再度發文，指「個黑色喼終於補返俾我，官方直運55蚊運費，4日送到」，更附上自己戴上IKEA人氣鯊鯊公仔的相片，旁邊為新收到的黑色行李喼，並擺上有型姿態，非常搞鬼，引來不少網民注意。

有不少網民直言店家是「良心賣家」，稱「我試過買遊戲機壞既唔玩得，要我寄返去整」、「我曾經果間試過錯色錯尺寸，內籠有爛要寄返去先重發，焗我接受補錢」，認為事主十分幸運。

但都有人認為「本來係賺你錢，而家變成本都蝕埋」、「證明食水深」。雖然如此，但仍有不少網民好奇貨品質量，獲事主指「好軟」，要使用過後才能作出分享，令不少網民期待！