HOY今日舉行「火力全HOY」十月全新節目排陣發佈會，隆重宣布推出多項全新節目，當中包括8點播放的處境劇《 #你的保安李寶安》。早前無綫（TVB）藝人 #吳若希 被傳因於社交平台點讚《你的保安 李寶安》宣傳帖文，惹怒無綫高層而遭「雪藏」、踢出劇組，兩位主角阿正（ #李尚正 ）與妹頭（ #盧頌恩 ）接受《香港01》訪問時，被問到現時會否睇TVB劇？阿正表示：「其實我係睇TVB劇大嘅，因為我細個嘅時候仲未有有線，所以係勁睇。（睇TVB劇怕唔怕HOY唔高興？）如果公司因為咁就嬲，咁我就唔做啦！不過因為我知公司係大方嘅，即係佢有遠見啦，知道你哋班友係點樣，佢都估到你哋會咁樣問，所以叫我哋唔好亂講嘢。」