陳星妤昨日（1日）出席TVB台慶劇《玫瑰戰爭》宣傳活動，她指自己同楊茜堯、馬國明、陳豪、黃庭鋒較多對手戲。談到《玫瑰戰爭》與《女神配對計劃2》同時出街，曝光率高，她說「托賴」，又指已無其他作品存貨。講到《女神2》中，她於玩水一幕被指對陳若思（Amber）好狼死，星妤就回應：「我唔係想殺咗Amber，純粹表情管理有啲差。」至於俞可程被踢爆疑似扮單身，她就透露節目組事前有「Fact check」，所以好難隱瞞，亦覺得冇必要扮單身：「我覺得要收收埋埋，俾人發現嘅後果仲衰。」