【區議會選舉.八鄉】點票未完 黎永添宣佈當選 贏朱凱廸364票

最後更新日期:

八鄉南選區,首輪點票未完成,一號報稱無政治聯繫、退休校長黎永添已自行宣佈當選,惟第一輪點票票數總和有差異,再次點票。黎代理人表示﹕「再點都冇分別架啦」,並向黎永添宣佈喜訊。最終,點票結束,7300張選票中,黎永添獲勝,共獲得3,799票。而號立法會議員朱凱廸共獲3,435票,以364票之差再次落敗。而二號「Plan B」、朱凱廸新西團隊成員徐卓然則取得41票。

香港01區議會選舉互動專頁 最新開票數據
https://dce2019.hk01.com/

黎永添自行宣佈當選,舉起鮮花向支持者表達謝意,表現興奮。(朱雅霜攝)

票站關閉前夕,八鄉南候選人、立法會議員朱凱廸晚上陸續到其他選區站台,朱在元朗市中心豐年選區為其新西團隊的陳敬倫拉票,期間又大合照。陳的對手是民建聯呂堅。

朱凱廸表示,昨日已大致完成自己選區拉票,故昨日起先後到屯門、荃灣、青衣、元朗、天水圍等區拉票。朱認為目前在打一場團體戰,「民主派打大將,我嘅團體打中型仗,我嘅選區就係小型仗」,為其他候選人拉票是值得做的事。

「呢區唔一定要投大佬」

朱又認為,目前整體投票率高,有「水漲船高」效應,按道理對民主派選情有利,但永遠有太多意外發生,故無法評估選情,「唔敢講常理係咪適用喺我嗰區,或者對手動員能力大躍進」。

朱全日大部分時間都在八鄉南票站門口與選民打招呼、點頭問好,但對比對手黎永添被一班鄉紳團體包圍支持,朱的身影更見單薄。朱表示,選區範圍大,不像市中心有濃厚選舉氣氛,故選舉策略上,需長時間站在票站外與選民見面,「佢永遠唔會行埋嚟話支持你,但想嘗試撬鬆,係呢區唔一定要投大佬,可以講政綱」。

點票未結束 黎永添自行宣佈當選

投票在晚上10半結束,由11時45分正式點票,至凌晨3點完成點票。凌晨2時16分,黎永添自行宣佈當選,當時第一輪點票未完成,只是以疊數計算。結果,當選的黎永添有28張選票,在第一輪點票後分類為有問題票,之後經三位候選人同意為有效選票。朱凱廸則有7張,而徐卓然有1張。有問題選票有3張。

第一輪點票票數總和有差異,再次點票。黎永添代表人及支持者自行計算後,稱﹕「再點都冇分別架啦」,並走出票站,但票站內仍在點票。黎永添獲報獲勝喜訊,支持者歡呼及送花,黎永添自行宣布勝選,並稱「我哋成功守護八鄉!」。最終,今年總共有7300名登記選民投票,投票率為72.3%。結果由村長黎以票以3799票勝出,比朱凱廸多出364票。

另外,今屆八鄉南有10096名登記選民,加上在警區警區投票的選民,共有7300人投票。投票率72.3%,比2015年該選區48.14%投票率,約高出24.16%。

黎永添﹕好多嘢想做,政綱show咗​

黎永添事後發表勝出感言稱「感謝我嘅團隊,感謝八鄉人,重新睇我哋八鄉出發點」,並感謝眾人團結力量,相信八鄉日後可以做得更好。「好多嘢想做,計劃差唔多喺政綱度show咗。」

元朗八鄉南選區有三名候選人,分別為報稱獨立的八鄉上村村代表黎永添、立法會議員朱凱廸、同屬朱凱迪團隊的徐卓然。

朱凱廸在票站內等開票,相當疲累。(朱雅霜攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。