飛鵝山「Type R」自炒落山 網民錯重點式一致讚好

撰文:區禮城
出版:更新:

被視為飛車熱點的飛鵝山,又發生車禍。一輛白色「Type R」房車,懷疑早前沿飛鵝山道行駛時自炒失控衝落山坡,消防接報到場落山拯救,未有發現有人受傷,列善意虛報處理,不過有人發揮創意,以「車主視角」拍攝車禍現場,被網民錯重點式按下逾千個好評,並笑言:「啲相影得好有水準喎!」

今日(7日)下午3時許,消防接報有私家車沿順利飛鵝山道行駛期間發生車禍,聲稱有人在車廂內受困,隨即派出消防車到場拯救。

根據現場人士上載相片所見,數十名巿民在路邊圍觀,視察涉事一輛貼上Type R名牌的豐田prius房車墮落山坡後的情況,當時有消防員游繩落山搜索受傷者,據報未有發現,列為善意虛報處理。

有現場人士發揮創意,直接走落山坡,以車主視角拍攝多幅照片,又拍下消防救援及觀眾圍觀的照片,事後上載至「馬路的事討論區」fb群組,隨即引來大批網民熱烈討論。

網民笑稱車禍現場畫面唯美

有網民形容發文者以第一身角度拍攝私家車衝落芒草山坡,加上日落場景,笑言「啲相幾唯美,欣賞!好多個笑點,都唔知笑邊個先好。」亦有網民揶揄涉事司機「為咗睇芒草,可以去到幾盡?」結果引來逾千個讚好,絕大部分均為錯重點式評論,令人忍俊不禁。

有網民更佯裝涉事私家車司機,以「第一身」視角拍照。(Facebook圖片)

網民錯重點式評論:

Kiki Angel Cheung:擺喺到景點 打下卡都唔錯喎

Chan Pak Cheong:車位短缺問題

Joe Nim Cho Lau:開gtr 咪冇事囉

Vitasoy Lee:都話過到就係拓海,過唔到就去填海

Kenneth Mok:為咗睇芒草,可以去到幾盡

Twotwo Leung:錯重點 個景幾靚呀

Kenny Wong:呢個影睇日落,冇得輸

Zeron Lai:去影芒草 個post擺得幾好呀

George Lui:山腳有order

Mickey Mok:唔死先係世界冠軍

Frankie Teo:影得有水準喎

Jerry Tin:泊係到十幾年,可唔可以申請逆權侵佔

Tiger Chan:睇日落吾使甘搏命嘛

Hiro Chan:想近啲影芒草啫

Louis Chan:所謂角度既重要 炒到好有藝術咁

飛鵝山向來是飆車熱點,不少駕駛人士沿上址高速落坡,追求速度上快感,不過飛鵝山道路窄彎多,稍一不慎便會衝出路壆直墮山坡。對上一次車禍為今年7月中,一輛白色七人車凌晨時分沿飛鵝山道落山,至近扎山道一個左彎時失控猛撞路邊山坡再彈回車路,19歲男司機與兩名男乘客同告輕傷送院。