【社區小小事】東涌唯一深宵夜茶 21歲港女做老闆：係責任
撰文：劉耀祥
出版：更新：
「蝦餃、燒賣好新鮮喎！」一名二十出頭的少女，手法熟練地為客人落單。而門外天色全黑，時間已是晚上十一時多，並非慣常的飲茶時間。
位於東涌馬灣涌村內的一間食肆內，依然人聲鼎沸，皆因這是東涌區內，唯一的深宵食肆，而負責人之一MC直言，「唔試過又點知唔得！」
眼見東涌於深宵時分「搵食」艱難，所以當年18歲的MC，聯同兩位拍擋，在馬灣涌村內開設糖水店，「開糖水店已經係3年前嘅事，後來因為土地條例所限，塊地唔可以用作廚房，結果要結業離場。」眼看由零開始的糖水店結業，MC雖萬般不捨，亦無奈接受。「只怪經驗太少。」
東涌唯一夜茶檔負責人之一MC直言，「唔試過又點知唔得！」(王海圖攝)
MC自言是「頂級小二」，無論廚房或樓面，都會見到其身影。(王海圖攝)
與舊拍檔重新上路
直至年初，村內的東昇樓老闆向MC建議，以共享廚房形式，在深宵時段經營，「有諗過做返糖水，因為未試過做點心，但係好好彩，當時有兩位點心師傅肯幫手，既然有人俾機會我，點解我唔去試？唔通成世人都淨係識賣糖水？」於是MC找回兩位舊拍檔，再度披甲上陣。
與經營飯店的東昇樓共用廚房，深宵時段變身做點心檔。(王海圖攝)
回想當初開糖水店，連楊枝甘露、芋圓等甜品亦一竅不通的MC，憑著熱血、好學兼膽粗粗本色，轉行搞夜茶，「最緊要肯行出第一步，起初連腐皮卷都唔識包，望住堆腐皮同啲餡，向師傅求救，師傳叫我唔好急，唔好躁，之後慢慢就愈包愈靚，有成功感，慢慢搵到搞夜茶檔嘅意義。」
在兩位點心師傅的幫忙下，令到對點心原本一竅不通的MC，逐步成為點心高手。(王海圖攝)
愈來愈重的責任
至今經營夜茶檔已經五個月，MC所得到的，不但是穩步上升的客源，更重要的是愈來愈多的責任感。「夜茶檔並非得一個人，仲有其他夥計同師傅，做得衰，會影響好多個屋企。」