逆天奇案2｜馮盈盈懶理由女二慘變女配 「我覺得唔係咁重要」
撰文：吳子生
出版：更新：
馮盈盈今晚（5/4）現身電視城出席無綫綜藝節目《獎門人 Hug Hug 媽咪感謝祭》錄影。提到在無綫熱播劇集《逆天奇案2》由女二跌落做配角，令網民大感不滿。馮盈盈接受《香港01》訪問時表示：「其實嚟到新一輯，加入咗一啲新角色，例如有小方（方力申）高鈞賢咁，咁所以話我嘅角色比上一輯戲分少，其實都好正常嘅。
馮盈盈今晚與《逆天奇案2》一眾演員，出席無綫綜藝節目《獎門人 Hug Hug 媽咪感謝祭》錄影。（陳順禎 攝）
馮盈盈在《逆天奇案2》由女二跌落做配角。（陳順禎 攝）
馮盈盈續說︰「我亦覺得唔係咁重要，始終身為專業演員，做好自己嘅角色，出到嚟嘅效果觀眾鍾意，其實戲份多與少，主角定配角都唔緊要嘅。（網民有冇留言鼓勵你？）而家啲網民留言都係喺度問我︰到底幾時會出場？我好開心網民仲掛住我呢個角色，我只可以透露少少，大家睇多一至兩個星期就會見到我出場啦。」