最近好多人問我點睇女仔打交，然後比咗幾條片我睇。女仔打拳就時時有睇，但係今次《G-1格鬥會》邀請咗8個無擂台比賽經驗嘅女仔打比賽，參賽者入面仲有人係零格鬥經驗。講真，可唔可以推廣格鬥同MMA係後話，但係8個女仔鬥嘴內幕，明爭暗鬥嘅劇情真係好吸引眼球。明顯，只係經過短時間訓練嘅佢哋，技術上無得同專業拳手比就梗㗎啦，所以對佢哋嘅格鬥技術要求過高係好唔合理嘅。

真係要讚下佢哋嘅勇氣同拼勁，呢兩方面真係無得輸。不過，既然佢哋係新手，而且只係經過短時間訓練就要打比賽，喺比賽嘅時候就一定會犯好多新手錯誤。趁呢個機會，不如同大家講下佢哋打比賽出拳嗰時所犯嘅新手錯誤，初學者可以留意下自己有無犯，老手咪當溫故知新囉。

1. 拉弓打拳

留意一下身高較矮小嘅王蘊妮，佢個右手勾拳都有一個拉弓的預備動作（6'34"、6'53"）。首先，面對手距（reach）比自己長的對手，用打擊距離相對較長的右直拳或右上擺拳（overhand）會比打擊距離較短的右勾拳更有效。但無論什麼拳，都不應該有向後拉弓的動作。這一個動作並沒有為你的拳增添很多打擊力，反而做成一個空隙給對手反擊，就算對方沒有把握該反擊時機，也預知了你的攻擊，可以一早作出預備和閃避。

2. 收拳動作隨便

另一個初學者常犯的問題是出拳後的收拳動作回不到預備的位置。這次看看較高的郭思琳，她有意識去打1-2（左刺拳-右直拳），但收拳就太隨便了（6'34"），如果不是王蘊妮打拳有拉弓動作，可能就已經被她的反擊打中。

一個直拳從下巴打出後，收拳時拳頭應立即回到出拳時的位置，而不是掉到腰或胸的位置。如果你的右拳可以打中對手，其實對方的左勾拳也能打中你的頭，如果對方硬接或躲開了你的右直拳再打一個反擊左勾拳時，你的手不在預備位置的話，下巴會被確實的打中。

看看另一場比賽，唐紫睿（出拳者）也有相同問題，右拳打出後並沒有回到預備位置 （4'49"）。

3. 頭仰後出拳

不論何時下巴都不要仰起！雖然規則列明不能攻擊喉嚨，但是在對戰時有很多不能預測的情況，保護自己必然是自己責任。喉嚨是要害位置，被擊中可以導致氣管受傷出血，阻礙呼吸，嚴重的話會有生命危險。

唐紫睿（出拳者）差一點就被龍小菌打中喉嚨（5'22"）。

小結：初學者和專業拳手之別

可能大家睇拳嗰時，會發現以上的新手常犯錯誤喺專業比賽亦會出現。當然，專業拳手也是人，亦會犯錯，但他們出現這些錯的機會就很低。有另一個可能是，他們特意這樣做。有一些拳手會出拳後唔將拳收返去自己的下巴，因為佢想為後一個動作作準備。喺格鬥嗰時，並沒有一成不變的「鐵律」，尤其是在頂尖的比賽，拳手會按需要作出違反常理的動作，但其實他們係經過深思熟慮的。所以，新手還是先依這些規則先練習為好，因為這些動作是最能保護自己的。

（本文純屬作者意見，不代表香港01立場。）