無綫娛樂新聞主播郭浩皇（Alex）日前就返到內地東莞出席電影《潛戰》記招。再次擔正做男主角的Alex就透露這部新戲講述他因為一塊晶片與黑幫鬥智鬥力的故事。當中Alex將有不少打鬥戲份，他稱：「入面會同啲黑幫打交，不過我喺加拿大嘅時候有玩開跆拳道，所以應該都應付到。（會唔會加操？）都會呀，但有一場戲會同女仔對打添。（會唔會鍚住人哋？）咁又唔會喎，因為對方係詠春高手，我反而會淆底添。」

Alex亦透露戲中有不少感情戲：「我會為咗錢去接近一個女仔，後來又真係鍾意咗佢，但個女仔仍然覺得我係player。（會唔會有親熱戲？）暫時會攬下但唔會鍚。（螢幕初吻獻咗出去未？）仲喺度，不過我唔介意獻出去，如果劇情需要。不過，今次都好多內心戲，都好期待自己可以做到。」