藝人林盛斌（Bob）有份投資的便利店早前聘請了一位美少女店員彤彤，好身材轟動網友，有人留言表示：「Bob爺請嘅員工果然係嚴格挑選」、更有人指想立即見工，一見口罩美少女真身。Bob今日（16日）再度上載與彤彤合照，相中彤彤穿上黑色寬鬆上衣和披上外套，未有顯現好身材。Bob留言透露：「冇見一排，可能呢排工作壓力比較大，土瓜灣852嘅彤彤瘦咗好多，陰公豬！」網友紛紛籲Bob快點加人工，以及請下屬食飯增肥，更有網友笑言：「老細！可唔可以sponsor佢染返個頭？」
即睇美少女店員近況：
有「金牌司儀」之稱的林盛斌（Bob），與太太黃乙頤育有三女一子，一家六口幸福美滿，Bob為給予屋企人最好的生活條件努力工作賺錢，近年他無論是演藝事業，還是副業同樣撈得風生水起，是圈中公認的好老公、好爸爸。
而轉眼間，Bob的大女林霏兒（霏霏）已16歲，長得婷婷玉立，昔日大家看到的肥妹仔，如今暴風式成長為一個美少女。近日Bob在社交平台分享兩父女入戲院睇戲的相片，感觸又帶點搞笑寫道：「16年來，第一次同佢拍拖睇戲。其實而家同佢兩個人出街，真係會俾人覺得我係有小三，仲係要溝𡃁妹嗰隻。」
相中，霏霏一身時下年輕人最愛的打扮，擺出可愛pose，散發一股少女味，而且眼大大、臉尖尖，非常省鏡，張振朗第一時間衝出來自薦做女婿叫Bob「爸爸」，非常搞笑；而不少網民亦大讚霏霏愈大愈靚女，「好靚女呀」、「女大十八變」、「索喎大家姐」、「直接出道」、「唔睇字嘅話，以為你Po新簽藝人」；甚至有網民留言：「官…官恩娜？！」、「好靚女，好似官恩娜」。