飯戲攻心｜張繼聰唔敢諗超越《明日戰記》：天樂就係佢佢就係天樂

電影《飯戲攻心》今日（2日）舉行謝票特別場，完成舞台劇演出的黃子華終於歸隊現身，聯同導演陳詠燊以及鄧麗欣、張繼聰、王菀之以及陳湛文等幾位拍擋，一同現身戲院與觀眾見面。

《飯戲攻心》由9月8日上映至今，每一日都是單日票房冠軍，累積票房已突破5000萬，成績驕人，張繼聰、王菀之及陳湛文受訪時被問到，有冇信心《飯戲攻心》可以超越《明日戰記》的6500萬票房紀錄，三人即時耍手擰頭表示：「冇」、「諗都冇諗過」、「唔敢諗」，而張繼聰更笑說：「天樂就係佢，佢就係天樂，知到個頂喺邊度，我哋做細嘅唔會…」，而黃子華就表示：「我哋都唔夠膽去諗超越咩，原本只係準備慶祝到3000萬，唔可以話好卑微，但我哋唔係好奢望，而家又唔好雄心過頭。」

票房報捷，開拍續集都算是眾望所歸，張繼聰預先諗好片名叫《飯戲攻鼻》或者《毒氣攻心》，由於王菀之想演黑社會大家姐，張繼聰笑言續集劇情可考慮拍江湖仇殺。截至今日下午5點，《飯戲攻心》的票房達$51,866,325，超越《長江七號》，成為香港最賣座華語片第13位。