《2023香港小姐競選》三甲得獎者莊子璇、王怡然、王敏慈和友誼小姐姜依宁今日（6日）現身尖沙咀美容中心出席頒獎活動。現時在香港大學修讀食物及營養學系的冠軍莊子璇在接受《香港01》訪問表示：「嚟緊學業都會好忙，希望可以兼顧工作，因為我今日都已經走咗堂！」她續指大學課程還有一年就結束，可以畢業。

被問到最近開學現身校園，同學及老師有否送上祝賀時，她就分享：「都冇講啲咩！因為我個人比較摺啲，返學嗰陣都比較安靜啲！」提到過去讀同一間中學的同班同學女團COLLAR成員Day有否發訊息恭賀時，她僅回答比較少聯絡，最近由於訊息太多，未有仔細看。

日前莊子璇在社交網上載了打籃球的照片，她則回應：「其實我淨係玩冒險樂園嘅波，我唔打籃球㗎！」而講到感情方面，被問到現階段會否希望結交異性朋友時，她就表示只想專注工作比較多。

對於網民指「莊子璇好MK」，她說：「係呀！我覺得MK係好事，因為代表香港，係香港正宗嘅文化，我都希望keep住自己嘅style！」