高海寧忙到身體響警號　頸部出現兩大硬塊：我應該睇咩科？

高海寧去年憑《新聞女王》奪得《萬千星輝頒獎典禮2023》的「最佳女配角」役，近日忙於在內地拍攝內地真人騷《無限超越班2》，又趕拍TVB劇集《武林》忙到無時間休息，身體更疑響起警號令人擔心。

高Ling不斷分享靚相之餘亦為自己打氣：「不停在工作，努力努力！」、「忙忙碌碌」、「最近很充實」等，日前又上載多張累攤照片，攰到幾乎不論身在何地都可以入睡，又依偎在餅印媽咪膊頭上令人心疼。

日捱夜捱高Ling身體更疑響起警號，頭上明顯出現凸起塊狀物，她擔心詢問：「今朝突然摸到頸部有兩粒嘢凸咗出嚟，一粒大一粒細，唔痕唔痛！頭皮接近頸部嘅位置也有兩個大硬塊，都集中喺左面（邊）臉，請問睇醫生我應該睇咩科？」及後上載黑白拔罐照滿頸血痕：「最近真的太拚了。」令粉絲相當心痛。