《萬千星輝頒獎典禮2024》今晚（19日）舉行，紅地氈當然是女星戰場之一，各位為爭「最佳衣著獎」亦各出其謀，不少女星性感上陣谷到盡，但胡定欣就可說是最密實之最。她以一身反晒光的「黃金戰衣」上陣，由頭包到落腳，十足「聖鬥士星矢」，但網民就不太受落，在直播留言批評。

網民說：「聖鬥士定欣」、「嘩！金色太肉酸，太土豪。」、「肥媽著就啱！」、「家燕姐嚟咗」、「定欣頭又唔整，衫又核突，想點？」、「金條欣」而討論區亦有網民表示：「胡定欣套金色幾有家燕姐當年套黃袍加身feel」而恰巧胡定欣與家燕姐都叫Nancy。另外有網民指她一向著衫好少失手，好奇今年是不是有贊助商，要侷住著。