林盛斌 (Bob) 有金牌司儀之稱，接各大小司儀的Job接到手軟。多年前已有傳他平均每場騷收六位數字的酬勞，還曾試過一年接下過百場騷，獲封「爆騷王」。而農夫的C君在節目《大整蠱》中更大爆Bob的年收入：「喺嗰一年賺咗2000萬，係真㗎。」不過Bob當時就否認：「你唔好聽佢亂講啦。」

Bob於今年3月將舉辦棟篤笑《The Bobfather Finale 2025》，更搵到金主支持。Bob早前主持慈善基金會晚宴，即席獲主持力撐買飛，「主席話會買我紅館嘅飛，我以為佢講吓，點知第二日佢真係聯絡我經理人落單，呢啲老闆，講得出做得到，真係冇得頂」。未開年先行好運，看來實行多年的開運方法確實有效。