吳文忻（Nathaliie，現名吳忻熹）去年乳癌復發，一直積極抗癌，不時在社交平台分享抗癌過程，但癌細胞變異擴散至尾龍骨，惡化至第四期，嘗試過不同治療和輔助治療的她，早前撰長文感慨道：「我決定和癌細胞和解，與癌共存。」並深信一定會康復，希望活出更精彩的第二人生。昨日（17日）吳文忻在IG分享了到沙灘散步的影片，並自爆已停止了化療一個月，但就被醫生急Call返醫院！

吳文忻寫道︰「昨天天氣好好，見自己坐骨神經痛好似好少少，去完醫院抽血檢查就去沙灘赤腳走走grounding和去曬吓太陽，點知之後醫生call我，話我白血球指數好低，要我立刻返醫院攞藥和打升白針！其實我停咗化療成個月了，每次都係因為白血球差少少唔達標，今次仲要話指數勁低要打升白針！停咗成個月，點解白血球反而低咗咁多㗎呢？但我身體又唔覺得有咩問題喎！」片中所見，吳文忻精神不俗，網民都紛紛留言為她加油打氣！