張致恆自閉症兒子打爆電視　雯雯：今日真係想顛

Steven張致恒，隨著身材走樣及負面新聞不絕，近年陷入困境。與老婆雯雯（區燕雯）四年抱四，一家六口長期財困，因要照顧幾名小朋友而無法全身投入工作賺錢，其中一名兒子確診自閉症更令他們雪上加霜。

張致恒太太雯雯心臟有事　擔心未能見證兒子成長 ：佢4個點算

張致恒一家六口隨時要瞓街　雯雯爆冇錢交租被業主收樓

40歲的張致恒，2019年與太太區燕雯（雯雯）結婚後，先後誕下4名兒子。(ig@stevencheung)

早前雯雯透露自己有心臟問題，直言自己生命「多咗個計時器」，害怕無法看4名兒子長大：「自從證實心臟同肥妹同老竇一樣，每日都好驚自己突然離開，喺屋企暈，佢4個點算？喺街暈，佢4個點算？」

去年2月深夜在IG Story發文透露，其中一名兒子確診自閉症及過度活躍症，，照顧四孩壓力瀕臨崩潰。4月27日雯雯在限時動態發文，直指又遇到崩潰事：「唔好睇少自閉症小朋友，電視都打爆埋！」更直指失去電視令照顧工作更加難捱：「無左部電視簡直係好難渡過嘅一日﹗原來照顧4個最好嘅幫手係部電視﹗今日真係想顛。」