【有片】穿梭中美台　「真光妹」陳香梅的傳奇一生

正當中美因為貿易問題鬧得劍拔弩張既時候，一位享壽94既「真光妹」，由北京到台北，以至美國三方都為佢既去世同聲哀悼，究竟佢係咩人？

佢就係廣東話同英文loklok聲，係九龍真光女書院讀書，做記者採訪果陣同飛虎英雄陳納德相戀、又係戰後漸漸成為美國對華政策重要顧問、穿梭中美台三方既陳香梅女士。

陳香梅係1925年既北京出世，七七事變之後落左黎香港讀書，二戰果陣香港淪陷，佢唔理家人反對北上昆明，擔任而家仲係作為台灣既國家通訊社（中央社）外語記者。

係採訪飛虎隊陳納德果陣，佢兩個一見鍾情，結婚之後有個兩女陳美華、陳美麗，兩個名都係「國母」蔣宋美齡起名，收為乾女兒。

抗戰勝利之後，陳香梅跟左佢老公陳納德移居美國，致力參與美國對華事務。1958年，陳納德逝世，但係陳香梅既事業無受到影響。

由甘迺迪時代開始，陳香梅唔單只成為第一位進入白宮工作既華人，其後8位唔同黨派既總統亦對佢委以重任，陳香梅更加係1981年以列根特使身份訪華，成為鄧小平既座上賓。

至於同佢出身關係密切既國民黨政府甚至民進黨政府，都同陳香梅繼續有聯繫，而習近平同馬英九亦曾分別接見過陳香梅。