【譚順生記招】參賽年份錯自稱記錯 教唱歌但冇音樂專業資格

撰文:彭嘉彬
出版:更新:
Dr Steve引來好多嬲嬲。

在《全美一叮》以一首《My Heart Will Go On》成名的譚芷昀,想不到這件事除了帶來人氣,還引發其父譚順生一連串黑歷史:濫收學費、虛發演出經驗、學歷等,就連家燕姐都忍唔住話佢兩句,覺得譚順生居心叵測。譚順生迴避多時,今日終於到銅鑼灣宣傳新碟,雖不設記者提問,但他就近日的傳聞交代,成日是日焦點。

譚順生隨即展示博士證書。(黃國立攝)

他唱完《奮鬥》之後,再慶祝埋生日之後,就入正題,回應近日傳聞。對於有《中國新歌聲》有學員指譚順生強迫收生教唱歌,譚順生對此表示:「任何人嚟搵我學唱歌,我都你無任歡迎,係冇強迫過任何人,其實都迫唔到嘅,佢哋都係自願嘅。」至於家燕之前覺得他冇道德可言,居心叵測,譚順生隨即展示以家燕姐名義捐款到保良局的收據,表示:「我第一時間做咗我嘅承諾,承諾永遠都係承諾,我要同家燕姐衷心致歉,帶畀佢不必要嘅煩惱。」

譚順生就話年份錯係一時疏忽。

提到網站的參賽經驗的資料失實,譚順生就以記憶依稀為由,以致同助手溝通時有口誤:「因為都事隔成廿幾三十年,記憶都有啲唔係好清楚,口頭上面就同助手有啲出入,今次係我一時疏忽,我日後都會確保資料準確,受過今次嘅教訓,會審慎處理。」另一方面,他的學歷也一度成疑,譚順生舉起博士學位證書,展示自己2008年於Nueva Ecija Unversity of Science and Techology 畢業,並開始用Dr. Steve之名開獵頭公司,直到2007年他見到女兒Celine熱愛唱歌,久而久之再開歌唱學校,但實則他沒有任何音樂資格,他說:「大家學唱歌都係基於欣賞Celine嘅歌喉,如果有學生覺得我用Dr. Steve係有音樂資格,我係深感抱歉。」

在最後,譚順生對於今次發生一連串事件,他承諾:「我日後都會熟讀《弟子規》,畀心機學習,不停進步自己,每個人都會有過去。作為一個父親,令我有一個機會,不斷提升自己。」

他對一連串發生的傳聞,再一次向傳媒道歉。