鍾樹根做網紅民望高過以前? 留言唔做政客:放棄咗成年啦!

撰文:陳奕熙
出版:更新:

鍾樹根(Tree根)冇做政客之後轉職「調理農務」,不時在中國大陸東奔西走出席農業活動,視察下農田、參觀下寺廟咁,其行蹤基本上都會喺Faecbook同大家分享,同網民嘅互動率仲好高添。先唔好問點解喺大陸視察都上到Facebook,根據小編嘅非正式統計,出名「講多錯多」的Tree根在Facebook上的錯字居然比吳業坤少,可見佢幾用心搞好個page。

做咩啫你?(Facebook圖片)
真係轉行做KOL?(Facebook圖片)

日前Tree根為咗拎銀紫荊星章,特登趕返香港,唔知係咪做農夫做得耐,搞到皮膚差晒,Tree根慶祝完回歸之後冇即刻走,反而去咗打水光槍,連全面打咗1800針都打晒出嚟,成個KOL咁款。

有網民同Tree根妙問妙答,笑問:「Tree gun不如都係放棄政治 轉行做kol....」Tree根:「放棄咗成年啦」,又有網民取笑他:「用公數整容」,Tree根冇嬲不突止仲疑似默認咁話:「你唔恨得咁多了!」之後佢又暗示返依筆「公數」係老婆批嘅家用。有啲網民就開玩笑話:「真係後生廿年,宜(依)家似60。」不過呢,其實Tree根今年剛過了六十大壽……

老老豆豆,Tree根依家咁樣過半退休生活,得閒同網民吹下水,間唔時自抽一下都幾好,做政客撈唔掂,真係可以考慮下做KOL喎。