樂瞳捱足10年先離巢 31歲仍然有市場:我唔後生但起碼狀態仲ok

撰文:林迅景
出版:更新:
31歲寫真,樂瞳話係當俾自己一個青春留念。

男人之間經常都會說,女人三十之後就可以叫作「中女」。而對於香港的不同年齡層女性,這個「卅」字其實也有不同定義。而樂瞳今年也正踏入31歲之齡,她的選擇是去個旅行,出個寫真以及離開TVB,展開新一頁。

十年入面樂瞳擔正嘅真係唔多。不過佢就話係磨練,算不上懷才不遇。(Instagram圖片)

樂瞳至2007年起就是TVB的一份子,不經不覺之間過了十年的時光,早前6月14日也正式離開了「TVB大家庭」。沉寂了幾乎2年的她,似乎沒有因為之前發展的不順利而放棄。離巢之後,她選擇以寫真作為開始的第一步。樂瞳接受《香港01》訪問時說:「寫真都係我其中一個好想做嘅事,其實幾年前已經想出,但礙於舊公司(TVB)好保護形象,怕太性感會影響我當時其他劇集角色,所以冇出到。 而我自己覺得寫真都係一個青春留念,雖然我唔後生,但起碼而家狀態仲ok,都想留個紀念。」

臨走都幫手宣傳,算係咁啦。(Instagram圖片)

十年真的是一個不短的時間,而樂瞳離開TVB的原因其實也不同少異。對於她來說,其實三十歲就是一個突破點:「我做咗10年,被定型太耐。我自己也很迷失,也愈來愈沒有方向,好像找不到自身價值,所以想轉換一下環境,呼吸一下新鮮空氣重新想一想之後的路。」而她離開TVB時,樂小姐及余詠珊其實都有給予挽留:「我都好多謝佢地當時畀我的意見和條件。但我仍然覺得我30仍不去試自己想試的事,我33歲時就更加不敢去試更習慣安逸。意志和夢想被磨光是最可怕的。」啱嘅,機會唔係成日都有。就好似之前訪問中提到:「如果我喺哩個moment(時候)我走,起碼大家會記得我樂瞳。如果3年後先走,到時我唔想以甘草演員身份走。」唔走,唔通真係等做到甘草先走咩。

好地地點解要塗黑佢塊面...我唔明囉。(Instagram圖片)

說回離開TVB之後的大計,現時遠在美國旅遊的樂瞳就似乎已經準備大展拳腳:「黎緊8月中就會開電影,但一切待電影那邊公佈吧。我自己也好期待,另外寫真集也會有一連串宣傳活動和簽名會,也有很多廣告活動在洽談中,待LA充電好回來就會更努力工作。」
老實說,不少離巢在離巢之後的發展機會或收入都比以住多;鄧萃雯、佘詩曼、林峰、鄭嘉穎、黃宗澤等發展更加是其中的表表者。樂瞳似乎都「撈得風生水起」,問及工作情況時,她亦說:「我離開的這2個月賺$比在tvb 多幾倍。很感謝客戶們的支持,亦都好多謝我四方八面的朋友。也因他們的人際網絡為我帶來大量工作機會,所以我非常的幸運,非常感恩。」看來她這個三十歲真的是過得越得越精彩,「卅」字對她來說,應該就是等於一個新起點。

越嚟越有女人味。(Instagram圖片)
+11