洪嘉豪傳與Ivy So發展地下情一年多，更有網民指「二人戀情已經係樂壇公開秘密」，洪嘉豪今日（18日）出席賀歲片《祥賭必贏》時，亦有就作出回應，「我知道呢件事都受到好多討論，多到連一個不問世事嘅我阿爸，無啦啦都send條link過嚟，但又唔講嘢，我就知一個連時事都唔睇嘅老人家，佢都留意到，咁即係好多人討論呢件事喇⋯⋯討論起點係因為《困獸鬥》嗰條片，其實我真係亂嚟，而我亦一早知入面嗰個係WinWin，為咗綜藝效果我先講（Ivy So），導致有咁嘅揣測，而呢一兩年佢加入咗商台廣播劇，本身我係成員之一，咁唔知係咪因為咁令大家有呢啲想法，希望大家唔好亂諗。」

問到會唔會有發展空間，Kaho即謂「哎，唔好搞我啦。我覺得呢件事都好似影響咗對方同好多人，哎，唔好搞啦，好攰。」他又指《黑玻璃》由陳詠謙填詞，所以「接吻接到無法公開」旨是對方所想，又強調自己沒有對象。而對於Ivy So連環「No」嘅限動，Kaho表示唔清楚是否在回應緋聞，所以不方便代答。

講到《祥賭必贏》角色，洪嘉豪透露自己戲份不多，但最開心是能夠與Sa（蔡卓妍）合作，並指「佢係我耳機內的人」，見到真人亦驚嘆對方保養得宜。Kaho於戲中不時「放數」，但現實中，他指自己是石獅子，甚少借錢。「我唔係好鍾意借錢畀人，因為會影響感情。細佬如果問都會借，但佢曾經借我架車後，有少少意外，作為哥哥，我覺得佢要自己𡥼返個責任，所以無幫佢賠償，都兩三萬。」