《萬千星輝頒獎典禮2024》今晚（19/01）舉行，麥美恩行紅地氈受訪時，與「緋聞男友」許文軒同框，兩人同場時更大耍花槍，站在兩人中間的陳懿德更直言：「你哋要唔要鍚啖？」

之後麥美恩又說：「原本佢有份行紅地氈嘅，你（訪）問咗佢未？有份角逐男主角...你呢一刻都係男主角。」許文軒又說：「你唔係想話我係你心目中嘅男主角吓話？」潘盈慧又問：「係咪有咩要公布？」麥美恩在現場許下諾言：「如果許文軒攞到最佳男主持，我就有嘢要宣布！」

其實去年麥美恩已經解釋過出現紅印原因：「以往一熱一興奮，條頸就會有一啲紅色，絕對唔係疹或者致敏。一廠跟返以往咁凍其實都冇事嘅，所以就反映到冷氣力度啦，哈哈。最緊要廣告時間後睇返我係冇事，純粹係我皮膚白透紅，個人興奮，太熱。我阿媽都係咁。」