「晶女郎」文凱玲（Connie），與拍拖五年的圈外男友Jason去年3月結婚，當時雙喜臨門，7月初上載同老公一齊捧住BB手仔的照片，宣布囡囡IYLA平安出世！轉眼IYLA將第一次過農曆新年，Connie 安排一家拍攝全家福留念。

晶女郎文凱玲與6個月大女兒遇車禍　猶有餘悸：畀後面架車追尾

阿女第一個新年要有儀式感，Connie特意準備了一家三口的賀年家庭裝拍新年照。雖然Iyla出世時屬早產B，不過約半歲大嘅小公主目前已經肥肥白白，近照仲識望鏡頭微笑相當可愛。新手媽媽Connie大部份時間親自湊BB，爸爸放工放假嘅時候都會幫手。BB眼瞓同肚餓嘅時候會搵媽媽，想玩嘅時候會搵爸爸。拍攝全家福時BB所有道具都想放入口，尤其是道具［桔］，搞到全程Connie同Jason不斷講：「呢個唔係食㗎」，場面搞笑。