《渣打馬拉松2025》今日舉行，不少藝人例如周潤發發哥、連詩雅、梁諾妍、林子善、《愛．回家之開心速遞》的許家傑和林淑敏、阮浩棕、崔錦棠等也有參賽。許家傑、林淑敏、阮浩棕、崔錦棠齊齊接受《香港01》訪問，林淑敏表示許家傑是4人當中跑得最快的那一位，而許家傑則表示，幸好有崔錦棠帶領。

問起他們有沒有見到周潤發發哥，林淑敏回答：「見唔到啊，其實我跑馬拉松都係想見一見發哥。」許家傑也說：「因為我哋跑10 K，發哥今年跑半馬。」阮浩棕表示今年第一次跑渣打：「我都係平常心。（唔介意跑幾快。）」崔錦棠表示，三月中會到台灣跑比賽，參加四百米跨欄。

渣打馬拉松2025｜周潤發發哥想跑到80歲　下年帶埋發嫂：做啦啦隊《渣打馬拉松2025》今日舉行，不少藝人例如連詩雅、梁諾妍、林子善、許家傑、林淑敏、阮浩棕、崔錦棠、周家怡等都有參加，但要講當中最受期待的一定是發哥 周潤發！

周潤發接受傳媒訪問時，表示今日天公造美，所以跑得很舒服。他說：「兩個鐘22分，呢個好成績嚟，keep住啦。全馬唔跑㗎啦，（可以）跑兩個鐘頭內就達標㗎啦。慢慢啦，80歲跑到兩個鐘頭OK㗎啦。」

問到會否嘗試跑啟德線？周潤發就表示有興趣：「跑囉，未試過呀嘛。」被問到跑步之後會食什麼？發哥就表示會去食碗仔翅：「去食碗仔翅呢度附近啦。」會否去海外跑馬拉松？他回答：「如果有時間都可以嘅。（鍾意香港跑？）跑完有點心食。」

問到下年會否帶發嫂一齊跑馬拉松，發哥就相當風趣，說：「發嫂？發嫂佢嚟拉筋。（發嫂可以做啦啦隊）啦啦隊呀？都得嘅，喺終點等我囉。」