周潤發（發哥）昨日（10日）出席《唐探1900》香港首映禮，他接受傳媒訪問被問到近年看好哪一位新演員，他則回答：「我老友個孫，梁舜燕個孫仔，阮浩棕。其實電視台有好多好演員，但冇咩機會發揮，有咁多演員，你捨得幾多個畀新晉演員，要等好長。」講到阮浩棕，他上月曾經在《萬千星輝頒獎典禮2024》獲頒「飛躍進步男藝員獎」，現階段演技備受肯定，阮浩棕他今日（11日）接受《香港01》 訪問分享獲發哥賞識的喜悅：「好激動，覺得好唔真實，覺得意想不到，因為都真係未同發哥合作過，突然之間獲得讚賞係好感恩嘅事。」

阮浩棕續指這是很大的鼓勵：「發哥係大家景仰嘅一個影帝，前輩嘅讚賞有一定嘅壓力喺度，都係一個提點，發哥睇到我身上面嘅潛力，但我都需要腳踏實地去進步，先至可以達到我哋嘅潛力，唔好辜負發哥嘅讚賞。」他透露希望有機會向發哥學習演技，並表示：「人生方面都想請教佢更加多去跟佢學習，跟住發哥為榜樣繼續努力！」