【同盟】姚子羚青蛙腳踢出宇宙 真身上King Jer留言:表哥嚟咗喇

撰文:張嘉敏
出版:更新:
網民將姚子羚的單腳踢改圖變成青蛙式雙腳踢。_

見到姚子羚對白滑長腿會令你聯想到咩?子羚首次做打女演出的無綫劇集《同盟》日前播出的一幕,就有她在車內起飛腳抗敵的戲份,相當吸睛。身穿白色連身短裙的子羚將隻左腳一踢,唔單止露出打底褲,仲吸引到網民改圖惡搞,將她的左腳Key埋去右腳位置,變成了一對腳踢踢的青蛙蛙式腳,仲安排子羚用呢招蛙腳踢由車入面踢到上外太空,邊踢邊飛去宇宙,之後又踢埋入海洋,真係創意無限,惹來大批網民留言話笑到肚痛。而鏡頭一轉就影住陳山聰騎住電單車趕到,一開門就見到已經被Key上了經典「表哥眼」的子羚,陳山聰望完仲即時變臉兼變形添,連他都被惡搞埋一份。

子羚蛙腳踢到上外太空。

今日子羚出席該劇的宣傳活動時就表示自己都有看過這段惡搞片,大方表示無嬲豬之餘仲大讚改圖造片的網民有心機:「我身邊有好多朋友send那條片給我看,問我有無睇到,又問我覺得點,我話幾得意吖,無諗到網民咁有心機咁花時間去整條咁樣嘅片,那場戲我其實只是踢一隻腳,網民仲將我隻左左腳Key埋去做隻右腳,變成青蛙咁腳踢踢,又放左我喺宇宙和海洋中,之後又Key返對表哥眼畀我,連山聰都改埋圖,網民真係好花心思去做,我覺得係得意同搞笑嘅。(覺唔覺自己經常成為被惡搞對象?) 我諗網民惡搞我是因為近期我有劇出街,同埋證明子羚係可以帶給他們歡樂,我之前仲試過專登King Jer娛樂台留言話『希望大家都支持同盟呀,表哥嚟咗喇。』希望大家都會鍾意我啦,因為做Artist都係想令大家開心,帶娛樂給大家,而且咁亦證明他們留意你先會去惡搞你啫,咪當他們幫你宣傳囉。睇下下次可唔可以加埋我身邊啲朋友一齊嚟惡搞一番?」

原本場戲係咁嘅。
表哥眼又再出現喇。
戲入面嘅子羚。
+3