【國際小姐】王詠珩唔認得歷屆港姐：其實係蔡思貝定達哥呀?
撰文：何志衡
出版：更新：
王詠珩(Wing)同麥嘉欣(Sofia)即將喺11月出戰國際小姐選舉，作為香港代表嘅王詠珩早前表演過佢嘅泰拳有幾厲害，今日進行另一項測試，就係睇下佢認唔認得出近幾年嘅香港小姐！
場地:FAC
阿Wing即將代表香港出戰國際小姐選舉。
王詠珩正為11月選美操fit。
講真作為普羅大眾想叫得出咁多港姐個名係好有難度，所以我哋降低難度，只係考下阿Wing認唔認得最近幾年嘅冠軍同亞軍。
結果證實阿Wing只係睇八卦新聞，比較少見報嘅港姐佢都唔多識，所以爆粗港姐馮盈盈、十優麥明詩都一眼就認得出，但係冇簽無綫嘅2015年亞軍龐卓欣同埋2014年冠軍邵珮詩就噏都噏唔出喇！
+15
Wing將會喺國際小姐表演跳舞。
最搞笑係阿wing一眼認出其中一個係蔡思貝，但係又好猶疑究竟係蔡思貝定網紅達哥，反問：「蔡思貝？達哥？蔡詩貝呀嘛？」問佢如果有人話佢似達哥或者其他人佢介唔介意？阿Wing就話：「喺好方面諗都係好事嚟嘅，因為變相多啲話題，所以都冇乜嘢嘅！但當然最好自己有特色啲，唔好俾人覺得我似第二個啦！」唔知蔡思貝係咪咁諗呢！