【使徒行者2】袁偉豪騷肌係咪收視保證? 答案又有啲意外喎！
撰文：溫菁莉
出版：更新：
相信今個星期最多人討論劇集，一定包括有TVB嘅《使徒行者2》份喇。今晚一開頭就講飾演淑梅嘅黃翠如不幸被人落毒，幸好袁偉豪飾演嘅徐天堂及時現身，徐天堂之後就帶淑梅到酒店休息。期間淑梅意識模糊期間就除晒徐天堂嘅衫，都係嗰句袁偉豪今集又露肉了。但網友就似乎唔多buy喇，佢地紛紛話完全唔想睇：「今晚可以skip！」
袁偉豪今晚又露肉，btw網友就話唔想睇~
不過網友一向講就無敵，其實近年韓劇都流行男主角不時曬肌,為女觀眾帶來視覺衝撃之外，都係刺激收視方法之一。BTW「物以罕為貴」，露得多只會被觀眾嫌棄，第一次睇感覺會好新鮮，但袁偉豪今次係《使徒行者2》就每隔兩集就露一次，真係稍嫌有點多。但現實是殘酷的, 收視一講出來就知究竟「騷肌」係咪work呢？今日（26日）傍晚時分TVB就出了收視表，《使徒行者2》係有24.8點，相比起《同盟》仲低兩點！相信當中大部分嘅原因可能係內地網站播放頭10集，所以有好多觀眾都唔洗幾日已經煲，或多或少都會影響嘅。
俗語有云「物以罕為貴」，就好似韓國男星宋仲基咁，係《太陽的後裔》中只有一集騷肌，可一不可再。
+8
之前王浩信係《不懂撒嬌的女人》同《踩過界》中都有露肌肉，令佢有「Show肌王」稱號。
其實TVB劇集男主角曬肌已唔係咩新鮮事，早前就有網友講過「人類無法阻止王浩信騷肌」，因為王浩信係《不懂撒嬌的女人》同《踩過界》中都有露下肌肉咁，仲有「Show肌王」稱號，但人地最多都係間唔中露下，而唔係每次都露。雖然袁偉豪擁有一副好body，唔騷下又真係浪費d嘅，但今次騷得有點過分喇真係！