【東張西望】賣狗疑雲終沉冤得雪　陳伯：啲人了解咗咩事先講好無

早前，一間元朗食肆被指「掛羊身賣狗肉」，Facebook專頁「動物生命糾察隊」除了列出幾項證據，更引述街坊說話指：「該處幾乎日日聽到劏狗慘叫聲，店主好精，將頭和爪全部斫（斬）哂（晒），只賣身體部分。」結果店主立即被網民圍剿，在網上不停聲討。不過事件終於告一段落，事關食物環境衛生署已發出聲明指該店的確是賣羊肉，店主陳伯終於沉冤得雪，昨日他接受TVB《東張西望》訪問解讀事件，更激動得聲淚俱下。

其實該店舖一直都會將準備斬件的羊身放在店門外，有人路過驚覺這個羊身十分似狗身，然後拍照上網，之後便發生一連串的事件。陳伯在接受訪問時表示自己根本不知道會因此發生這樣的事，他說：「我入面地方細，燒完嘅羊要擹凍先可以斬件，擹咗一陣間，人哋影咗相，人哋誤會咗係狗。我攞正食物環境署嘅牌，同埋賣狗肉要坐監，犯法同釘牌，我無可能會有呢回事。人哋行過周圍唱，周圍講你，舊年又係咁，今年又係咁。」

陳伯又指自己賣的是海南島黑草冰鮮羊，而且要自己燒香，跟出面供應商提供已斬件的羊肉不同，由斬件、醬料到燜都是自己一手一腳去做。陳伯對於網上的言論，他一臉無奈：「把口生喺人哋度，你無得講架嘛係咪先？啲人都無睇過，又話教授驗過，又話呢度咩環境，你知而家網絡世界好無良架嘛。」事件發生後，陳伯晚晚失眠，在訪問後段更爆喊表示：「又話宰狗，我都唔識講，我唔知可以點，十幾日未瞓過覺，我驚行出去俾人打，我本身屋企養咗十幾年八哥，我有乜理由宰狗呢？好彩街坊支持我，而家拎返公道，真係好辛苦，啲人了解咗呢一回事先講出嚟好無呀而家。我知而家香港哋係咁，俾個心心我，支持我，好多謝大家。」雖然網絡世界言論好自由，不過網民們都是要小心言行，免得害了無辜之人，自己心裏也不好受吧。