【誇世代】頒獎禮衣著有乜睇？ 田蕊妮：我唔係嗰方面人材
撰文：林迅景
出版：更新：
田蕊妮喺《誇世代》又係做得好好睇。
田蕊妮有份演出的《誇世代》反應很好，收視有近24.5點，而這套劇更加是台慶劇之一，又剛好地田蕊妮已經是第四次擔任台慶劇女主角。其實田蕊妮今年的代表作還有年頭2月的《迷》，其中田蕊妮飾演的Cal姐更加是深入民心，當時不少網民都認為「田蕊妮今年一定攞硬視后。」
不過大部份人都應該會同意《迷》入面，阿田發揮空間多啲。
不過阿田對於可不可以重奪無綫視后，似乎又不太著緊。田蕊妮接受《香港01》訪問時說：「其實《迷》呢套劇已經係年頭嘅事，我都好多謝大家隔咗咁耐都仲記得。作為一個女演員，其實已經係挑戰咗自己。Cal姐呢個角色其實好難演。因為佢嘅情緒波幅好大，自己做錯又要扮冇事，嗰種瘋癲狀態係好難演，同好矛盾。所以頒獎禮有咩獎項，我覺得自己攞咗獎。」
2013年《萬千星輝頒獎禮》，田蕊妮件晚裝都唔算好性感。
+2
鑑於日前TVB發出內部信件要公司節目減少性感，而《萬千星輝頒獎禮》每年都是一眾藝人演員（尤其是女藝員）展現「實力」的時候。田蕊妮接受《香港01》訪問時說影響不大：「我身才又唔係好偉大，從來都唔係擠好多肉出嚟嘅行列。」阿田更直言：「我唔係嗰方面人材。」下面有片睇。
+2