【TVB台慶50周年】張秀文無懼「禁色令」 與沈卓盈繼續低胸性感
撰文：郭敏玲
出版：更新：
TVB的《萬千星輝賀台慶》已經行緊紅地毯，一眾藝人盛裝出席一定不在話下，如果是以前，大家可能對這個環節不太重視，事關年年都是這樣，沒有甚麼特別。不過今年就不同喇，事關早排高層樂易玲出了通告，由即日起TVB要收起性感，實行「禁色令」，通告一出立即惹來一班觀眾叫苦連天，連女藝員都有點手足無措，所以今次行紅地毯的服式一定要思前想後。
你睇佢幾誇張。（陳順禎攝）
話就話有「禁色令」，不過就今日咁睇其實對一班女藝人沒有甚麼特別收埋性感，很多人都繼續低胸示人，尤其張秀文就最勁！除了上身繼續性感之外，連下身也是長腿示人，完全無懼「禁色令」。不過這條禁令其實也有講過如有必要，是可以有限度的性感，今日話晒都係TVB 50周年大日子，性感小小又有乜所謂呢？希望樂小姐今日就不要太計較了。
張秀雯係永遠紅地毯贏家，禁色令亦沒有影響她。
雖然張秀文今晚依然性感，但原來都有研究一下禁色令，才出席今晚活動。她說:「一開頭自己會擔心，有研究過界限去到邊，但我見返咁多日，我哋同事，高層都有回應，我覺得適當嘅場合，著返適當嘅衫，大家開開心心嚟慶祝50週年，我覺得冇問題嘅，唔好製造度恐慌咁囉，呢個memo嘅意思係保護女藝人，就唔係俾壓力我哋，我就係企出嚟澄清呢件事，如果今日之後見唔到我，就真係有禁令喇，哈哈。」
沈卓盈好有女人味。（陳順禎攝）
+15
藝人白雲一樣無懼「禁色令」。（BigBigChannel圖片）