【溏心風暴3】莊思敏跟足菊姐嘴臉鬧人：驚可能會令到大家唔舒服
撰文：黃梓恒
出版：更新：
《溏心風暴3》兩大家族終於來個大亂鬥，最緊要當然有鬧交情節，今次個重點就放在莊思敏(Jacquelin)身上，因為是她最先開心發炮。不過同劇的司棋姐、菊姐和米雪姐都是鬧交高手，在頭兩輯都令人拍案叫絕。Jacquelin會否有所準備去對付她們呢？她在接受《香港01》訪問時說：「拍之前緊係重溫晒菊姐以前嘅經典咀面喇，又有晒劇本開工，做好晒功課溫晒書先埋位。前輩又好好，無壓力俾我，拍得好開心。」
佢同菊姐最多對手戲。（劇照）
Jacquelin以前一直給人的感覺可能不是太演技派，有時騷身材，有時「八婆」咀臉，但今次在劇中將會迎來大轉變，她說：「今次都算幾大發揮，之前好多電影上面嘅角色，始終電影時間短啲，同埋電影無入場又未必睇到。其實電影我都試過好多角色，例如《PG戀愛指引》、《小姐誘心》等等嘅角色都有發揮，不過可能平時嘅電視觀眾未必睇到。之前《幕後玩家》嘅角色我都覺得有發揮嘅，但係就無咁多嘢講，今次嘅角色真係好唔同，會比較爆啲，衰格啲，性格突出啲，我好開心接到呢個角色，要多謝家豪哥搵我。」好期待她在劇中會有另一面帶給觀眾。
《幕後玩家》中，她飾演黃宗澤的家姐。（電視畫面）
不過要同多個老戲骨對戲絕對不容易，而且是要鬧她們，會否感到壓力？Jacquelin表示：「套劇入面好多都係前輩，一開始都會好緊張，好擔心，都會驚同前輩鬧交會唔會好輸蝕，或者會唔會好緊張。不過啲前輩真係好好人，所以我都無理喇，我都係照鬧啲前輩，照鬧咗先，可能之後都會講聲唔好意思，都驚可能會唔會令到大家唔舒服或者唔開心。今次真係一個好好嘅角色，好多謝夏雨哥同司棋姐公開讚過我，係一個好好嘅鼓勵。我亦都唔介意俾人定型係惡人，或者反派，因為都係一個認可嚟架嘛，希望大家繼續支持《溏心風暴3》，睇我點樣鬧菊姐。」
佢同李成昌呢對夫妻做得好好，夠討厭。（劇照）
+12