【溏心風暴3】金句其實唔使夾硬堆砌 頭兩輯夠自然反而得人喜歡

撰文:
最後更新日期:

《溏心風暴3》播了三集,大家都對這套劇評價一般般,主要說它太過翻炒頭兩輯的套路,觀眾沒有新鮮感。其次是今次大量加入當今的潮語,但經常由一些老人家例如司棋姐和夏雨說出來,本應輕鬆畫面變得相當之尷尬,其實如果想玩潮語就應該交俾後生仔。而劇集最大問題是刻意經常製造「金句」,因為頭兩輯的無心插柳令到金句成為《溏心風暴》的標誌,可惜今次強硬加上去就有點畫蛇添足。

不如都係重溫一下當年的經典金句,用得好之餘又能夠掀起劇情高潮,絕對不是求其講兩句就算。

司棋姐係好戲,不過要佢講潮語就唔太夾囉...(劇照)

第一輯《溏心風暴》,大家最記得一定是司棋姐大鬧菊姐和阮兆祥的一幕。

「大家在前門捉賊,你們就在後欄放火!你哋覺得自己有無造錯呀?」

「你唔駛對號入座!總之邊個做過,你自己心知肚明。(嗱你無證無據,唔好…)我話係就係!唔使證據,呢度唔係法庭,唔需要證據,我對眼就係證據!哼!我睇人睇咗幾廿年,邊個係人邊個係鬼我睇得出,你立過咩心腸,做過咩事,你最清楚。」

好有霸氣。(網上圖片)

又係司棋姐鬧菊姐嘅情況。

「我係交帶你好好睇實呢頭家,但係你同我做過乜嘢?兩句說話可以講晒,未登天子位,先置殺人刀!」

仲有司棋姐點醒自己班仔女的時候。

「耳聽三分假,眼看未為真,你哋聽過呢句說話未呀?」

到《溏心風暴2》菊姐都金句王上身,講出一番鼓勵人的說話。

「我說你行,你就行﹔我說你不行,你就不行。你說你行,我說你不行,你也是不行﹔你說你不行,我說你行,你還是行!」

菊姐喺第二輯做好人架。(電視畫面)

還有李香琴飾演的嫲嫲,大鬧米雪的一場戲也有好深的印象。

「你唔係第三者,你係第三者之中嘅表表者呀,如果你唔係第三者,呢個世界都無第三者架喇!」

當然不少得司棋姐,在安慰夏雨的一幕也十分警世。

「咁咪係囉,你都唔係個天,你點知道個天做乜嘢啫?個天想報應你咩?有無聽過三個字呀:天曉得呀。乜你好得閒咩?連天做嘅嘢你都要理呀?」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。