【開心速遞】欣欣冇得繼續愛回家 邵珮詩:進入最後倒數

撰文:林通賢
出版:更新:

邵珮詩早前在TVB50週年節目巡禮,一身低胸晚裝搶盡鋒頭,網友當然有留意,除了性感,其實邵珮詩在《開心速遞》飾演欣欣,劇中斯文乖女形象早已入屋,不少網友都期待欣欣有獨立故事,雖然欣欣終於等到,可惜係最後登場,因為欣欣即將會離開《開心速遞》,她早前在ig亦有透露。她寫上:「做好每一場戲的準備,不能讓自己有遺憾#進入最後倒數#可是我病了#欣欣的日子#開心速遞。」

欣欣為港姐冠軍出身,憑處境劇慢慢入屋。

欣欣離組消息一出,不少網友都失望,《香港01》亦找欣欣問清楚,她亦承認將會退出劇組,她說:「係呀,231到232係最後兩集,但好開心,因為我終於做主角,嚟緊星期四都係我做主.....但真係好唔捨得、呢兩年都係喺11廠拍《愛.回家》,同一班幕後好深感情,咁一班同事都有問我,點解會咁嘅?大家都有關心我,但因為上星期甩咗幾場,所以今個星期五先係我last day,因為係欣欣最後幾場戲,自己真係當最後見到佢哋,所以我每場戲都眼濕濕,有啲網友以為我上次著得太性感,所以被踢出《愛.回家》哈哈,梗係唔係啦,公司係有其他劇集安排俾我,我要出去闖下架喇。呢兩年學咗好多嘢,同好多前輩合作、角色上嘗試又多呀,甚至變聲呀都試過,咁都係時候出去。始終做儍大姐唔可以做成世,大家記住睇埋我最後三集。 」欣欣在《開心速遞》最終章,是第231、232集,現在播到第209集,即係欣欣會在2月後消失,大家真係要望多兩眼。早前就有風少(陳浚霆飾)因為和無綫完約,所以失驚無神被消失,欣欣突然出組,應該係無綫有新任務俾佢啫,大家唔駛擔心。

+9