唐詩詠爭視后戰衣慢慢揀 無懼限奶令:最重要靚

撰文:蘇國豪
出版:更新:

大佬B吳志雄昨日榮壽之喜,不少圈中好友盛裝出席,包括有張達明、王晶、蔡卓妍、泳兒、唐詩詠...星光熠熠,現場充滿著濃濃的喜慶氣氛。

一身黑色皮衣,配搭長裙出席的唐詩詠(Natalie)靚到不得了,一見到主人公大佬B即送上抱抱,令大佬B笑到見牙唔見眼。

唐詩詠靚靚出席大佬b榮壽之喜。攝:陳順禎

講到不夠一個月將在下月21日舉行《萬千星輝頒獎典禮》,今年憑劇集《不懂撒嬌的女人》入圍爭視后有沒有信心,詩詠就表示對劇集更有信心一點:「我對呢一部電視劇有信心,其實好開心今年可以入圍,之前好多朋友投票都投了我票,好多謝他們支持。(對攞獎信心大唔大,十分滿分畀自己幾多分?)點都畀自己十分,因為知道自己拍呢一套劇100%投入,所以我對呢部劇好有信心,當然自己付出好多努力,多謝大家睇得開心。」睇嚟凌禹勤這個角色是她今年最喜歡一個人物。

左二疑似是唐詩詠男朋友。攝:陳順禎

視后方面詩詠就沒有開名力撐,不過講到視帝她就支持王浩信同馬國明:「我當然支持我的拍檔王浩信,亦都好想我阿哥馬國明攞,好希望今年因為一齊入圍,如果在台上一齊攞就最開心。」

唐詩詠對《不懂撒嬌的女人》在台慶爭獎有信心。攝:陳順禎

雖然未知獎項花落誰家,不過現時最重要當然要準備戰衣出席頒獎禮,問到今年公司出通告限奶令,會不會影響揀衫方面,詩詠就強調:「無關係,最重要靚,靚唔關限奶令事。」

講到聖誕節詩詠就表示同好多好多好朋友一齊過,度過了一個難忘的晚上。

唐詩詠睇好王浩信、馬國明攞視帝。(資料圖片)