【溏心風暴3】為收視搏盡宣傳 扔完蛋糕再潑奶茶 啲藝人真係慘
撰文：林迅景
出版：更新：
《溏心風暴3》今日又有宣傳活動，連戲份已經完結的唐文龍（Michael）都有出席，大家如果有留意劇集，都知道Michael飾演的角色Nic是一名表面風風光光的壞男人。不過亦無損對Michael的形象，觀眾對他的觀感依然相當之好，令他人氣再度急升。今日出席活動的Michael一樣西裝骨骨，靚靚仔仔出場，點知在台上卻受到大懲罰。
型到呢！（林迅景攝）
+5
大家還記得，阿Nic在劇中有一幕是被正爸（夏雨飾）潑奶茶，搞到成面都係，那一幕令到觀眾們拍晒手掌。點知今日竟然將當日的劇情重演一次，仲要係真人版即場示範，Michael被潑完都唔知咩事。事後在接受《香港01》訪問時他說：「我都奇怪，點解個蛋糕咁細個，仲要我捧上台，不過估唔到夏雨哥潑奶茶都幾型，仲要都幾準，呢杯奶茶應該係有史以來最好味嘅一杯。」原來呢件事係總監製劉家豪諗出來，目的就係要急救收視，有些藝人其實已經為這場show綵排過，不過收到風唐文龍係無綵排過，真係慘！而個蛋糕其實係用嚟扔陳敏之，因為咁啱撞正她生日的日子，結果台上一個中蛋糕，一個中奶茶，場面認真搞笑，希望佢哋唔好嬲喇，都係搞吓氣氛！
呢一幕真係印象深刻！（電視畫面）
之前活動上將唐文龍被夏雨潑奶茶一幕重現。（林迅景攝）
好慘呀！（視覺中國）