【萬千星輝】陳山聰捱25年終奪最佳男配角 同超雲甩拖變四失男
撰文：溫菁莉
出版：更新：
《萬千星輝頒獎典禮2017》焦點除了落在是男女主角獎項之上，其實男女配角都備受關注。除了有大熱何遠東及張振朗之外，最終由憑住《同盟》的陳山聰奪得《最佳男配角》獎項。但大家又唔知陳山聰當年係以歌手身份出道，他1993年參加無綫舉辨的模仿「四大天王」歌唱比賽，得到評判劉德華賞識，後來便加入由華仔成立的New Melody，成為該公司唯一的歌手。先後推出了兩張專輯，後來因為公司倒閉而轉戰電視劇行列。多數係劇集做奸人嘅陳山聰，被唔少觀眾都話奸到出汁。
入行25年，陳山聰終於首次奪《最佳男配角》獎項。
【萬千星輝】陳山聰得最佳男配角 上台喊晒：好多謝公司無放棄我
【萬千星輝】陳山聰捱25年終奪最佳男配角 同超雲甩拖變四失男
【萬千星輝】全球網民最喜愛劇集《降魔的》奪得 絕對實至名歸
好可惜，最令人記得嘅並唔係佢參演嘅劇集，而係感情生活。2011年他與何家千金超雲拍拖，仲拍到全港都知。期間更一度傳出會同超雲結婚，會成為何家女婿，當然最後這段感情只維持了3年。而這段戀情曝光後，他就被揭發與妻子離婚，更與好友伍詠薇「絕交」。有不少網民封他為「世紀賤男」，其後與超雲分手後即刻變「四失」（失女友、失事業、失財、失形象），但佢無俾網民打敗，之後繼續返TVB拍劇。
早前陳山聰在《星和無綫電視大獎2017》中獲「我最愛TVB電視男角色」奬。
相關文章：
去年陳山聰一共有3套作品分別是《財神駕到》，《乘勝狙擊》及《同盟》，雖然往往在劇集中都離不開飾演「奸人」嘅陳山聰，今次在《同盟》飾演為人正直嘅Kent，為了可以與女友姚子羚的愛情，二人不惜背負著兩個家族的恩怨，經過幾經波折最後都開花結果。早前在馬來西亞舉行《TVB馬來西亞星光薈萃頒獎典禮2017》獲獎發表感言時，山聰亦逐一多謝要多謝的人，當他講到已離世的父親表示：「多謝我天上嘅爸爸，我知你一定睇到。」的時候就更加激動。曾經在事業上停滯不前的他又表示：「呢個係我人生馬拉松上面再踏前多一步。」