【萬千星輝】陳山聰奪最佳男配角即慶祝　孖成班老死打邊爐勁開心

41歲陳山聰入行24年，終於守得雲開，拿下最佳男配角，頒獎禮完咗之後同成班Crazy Runners一齊去打邊爐開紅酒慶功，包括胡定欣、李施嬅、胡蓓蔚、黃智雯、袁偉豪同女朋友張寶兒，仲有謝東閔等，成班好朋友舉杯恭賀山聰得獎，開心到好似自己都有份拎咁，好鬼warm。

難怪山聰咁開心嘅，雖然佢之前先後喺新加坡、馬來西亞拎到最佳男配角，但畢竟賽前其他對手諸如何遠東同歐瑞偉嘅得獎呼聲都好高，競爭咁激烈，山聰都無絕對嘅把握。加上山聰喺2011年同賭王千金何超雲拍拖，背負拋棄糟糠罵名，拍拖期間因為他無視朋友、電視台工作，後來同超雲兩年情斷，豪門女婿夢破碎後，山聰被指4失，失去感情、事業、形象同金錢，修復情傷後，山聰重新振作，比之前更加努力，更加珍惜每個機會，經歷過呢啲高山低谷，難怪當宣佈佢拎獎果時情緒咁激動，再一次恭喜山聰奪獎！